БИНАЗАРОВА МАЙРА БҮРКІТБАЙҚЫЗЫ

Биназарова Майра Бүркітбайқызы 1971 жылы 7-мамырда Жамбыл облысы Байзақ ауданы Түймекент ауылында дүниеге келген. 

1978 жылы Түймекент (Ақжар) орта мектебіне барып, 1988 жылы бітіріп шықты.

1988 жылы Жамбыл жеңіл және тамақ өнеркәсібі технологиялық

институтына оқуға түсті. 1993 жылы инженер-технолог _ мамандығы бойынша диплом алды.

 Алғашқы еңбек жолын 1994 жылдың шілде айынан бастап аудан әкімшілігі қабылдау бөлімінің қызметкері болудан бастады. 

1995 жылдың қараша айынан бастап аудан әкімшілігінде маман жүмысын атқарды. 1996 жылдың мамыр айынан бастап аудан әкімі аппаратының ұйымдастыру және кадр бөлімінің бас маманы болып қызмет атқарды. 1998 жылдың желтоқсан айынан бастап аудан әкімі аппараты кеңсесінің бас маманы болып істеді.

2010 жылдың қазан айынан бастап Байзақ ауданы әкімі аппаратының кеңсе бөлімшесінің басшысы қызметінде жұмыс атқаруда.

      Өз қызметі аясында қойылған талаптарға білімі мен біліктілігі толық жетеді. Әкімшіліктің, ұжымның қоғамдық жұмыстарына белсене қатысады. Тапсырылған жұмысқа үлкен жауапкершілікпен қарап, ұсыныс енгізіп, түпкілікті шешуге ынталы. Өзіне жүктелген қызметтік міндеттерін тиісінше орындайды. Жұмыс барысында қызметтестеріне де, өзіне де талап қоя біледі. Адамгершілігі мол, парасатты, халықпен тіл табыса отырып, әрқашан кісіге көмек қолын созуға дайын. Азаматтармен жұмыс істеп, өзінің білімін көтеріп, жұмыстағы жетістіктері үшін аудан әкімінің «Алғыс» хаттарымен, «Құрмет» грамотасымен марапатталған.

Жанұялық жағдайы: тұрмыс құрған, жолдасымен бірге 2 ұлын өсірген, үлгілі отбасылардың бірі.