Мамырбаев Нұрболат Серікұлы

Мамырбаев Нұрболат Серікұлы 1971 жылы 16 желтоқсан күні Жамбыл облысы Ақжар ауылында дүниеге келген. 

         1978 жылы Ақжар орта мектебіне 1 сыныпқа барып, 1988 жылы бітірген. Осы жылы Жамбыл гидромелиоративтік құрылыс институтының 1 курсына түсіп, 1993 жылы жоғары оқу орнын бітірген және мелиоративтік жұмыстар механигі мамандығы бойынша диплом алып шыққан.

         1995 жылы Үшбұлақ станциясындағы «Учбулакская база МТС» ашық акционерлік қоғамында қойма меңгерушісі болып жұмыс істеген.

         Отан алдындағы борышын 1996 жылы Қордай ауданындағы Отар поселкасындағы 01954 әскери бөлімінде рота командирі қызметінде болған. 1999 жылы аға лейтенант шенінде әскер қатарынан запасқа шыққан. 

         2000-2001 жылдары аралығында «Байзақ торггаз» ЖШС-інде бақылаушы болып жұмыс істеген. 

         2001 жылы Тараз қаласындағы «Әулиеата» университетіне сырттай оқу бөлімінің жедел курсына түсіп, 2003 жылы информатика және математика мәндерінің мұғалімі деген диплом алды. 2003 жылы Гагарин орта мектебіне информатика пәні мұғалімі болып кіріп,  2009 жылға дейін аталған мектепте қызмет істеп жүр.

         2009 жылдан 2011 жылға дейін Қарасу орта мектебінің директоры. 2011 жылдан бастап Берікқара орта мектебінің директоры қызметін жалғастыруда.

         Отбасында 3 ұлы мен жары бар.