21
январь
2022
«Кітап-таусылмас қазына»
«Кітап-таусылмас қазына» Байзақ ауданы, Түймекент ауылы, Түймекент орта мектебінде «Заманауи кітапхана жағдайында рухани құндылықтарды жүзеге асыру жолдары» тақырыбында Байзақ ауданы білім бөлімінің жоспарына сәйкес аудандық кітапхана меңгерушілерімен семинар өткізілді. Семинар 10 сынып оқушыларының орындауында мектеп гимні «Түймекент -менің мектебім» хорымен басталды. 5-9 сынып оқушылары белгілі ақын-жазушылардың өмірі мен шығармаларына панорамалық форматта қысқаша шолу жасап өтті. Семинарға келген қонақтарға мектеп директоры Индира Абылханқызы ыстық ықыласы мен жылы лебізін білдіріп, семинарды ашып берді. Мектеп кітапхана меңгерушісі Гүлжан Елешқызы «Оқуға құштар мектеп» жобасы аясында мектепте атқарылып отырған жалпы жұмыстарын слайд, бейнероликтер арқылы көрсете білді. «Оқуға құштар мектеп» жобасы аясында «Оқуға құштар сынып» бағытындағы оқушылар ата-аналарымен бірге кітап оқып, жобаға белсене қатысып жүргендерін оқушылардың өздері дайындаған бейнероликтерін ұсынып, қорғап шықты. Семинар барысы мектеп оқушыларының ән-шашуымен жалғасып отырды. «Қарым-қатынас жарасымдығы» тақырыбында мектеп психологтарының ұйымдастыруымен психологиялық тренинг өткізіліп, келген қонақтардан семинардың өтілу барысын бағалау мақсатында кері байланыс ұйымдастырылды. Байзақ ауданы білім бөлімінің әдіскері Ибрагимова Гүлзира Қалмаханқызы семинар соңында, семинардың жоғарғы деңгейде ұйымдастырылғанына ерекше тоқталып, алғысын білдірді. Семинардан шыққан кітапхана меңгерушілері мектеп кітапханасына барып тәжірибе алмасу туралы ой бөлісіп, жақсы көңіл-күймен тарқады.