Саилов Азат Смағұлұлы 1986 жылы туылған. 1993 жылы Түймекент орта мектебінің бастауыш сыныбына қабыл- данды. Бастауыш сынып жетекшісі - Иманалиева Нұргүл, 5-9 сыныптардағы жетекшісі мұғалім Ақназаров Күнтуған. 2002 жылы 9-сыныпты бітіріп, Жамбыл қазақ-түрік эконо- микалық колледжіне түсті. 2006 жылы колледжі қызыл аттестатқа бітіріп, Алматыдағы Сүлеймен Демирел атындағы университеттің маркетинг факультетіне түсті. 2010 жылы Лондондағы Университеттің  магистратурасын бітірді.

Қазіргі таңда Алматыдағы «II International Technology» университетінің маркетинг факультетінде аға оқытушы болып жұмыс істейді.

Саилов Талғат Смағұлұлы 1988 жылы туылған. 1995 жылы Түймекент орта мектебінің бастауыш сыныбына қабылданған. Бастауыш сынып мұғалімі Төлегенова Бақыт, 5-6 сынып- тардағы жетекшісі   Бейсалиева Роза.

2001 жылы 7-сыныптан бастап Жамбыл қазақ-түрік ұлдар лицейіне түскен. 2006 жылы аталған лицейді «Алтын белгімен» бітірді

2006 жылы Қарағанды қаласында Республикалық олимпиадада биология пәнінен I орынды иеленді. 2006 жылы маусым айында Аргентина мемлекетінде өткен дүниежүзілік пән олимпиадасында III орынды иеленді. 2006 жылы қыркүйек айында Сингапурдағы Наньян технологиялық университетінің биотехнология мамандығына түсті. Қазіргі танда Сингапурдағы фармацевтика бөлімінде биотехнолог болып жұмыс атқаруда.

Бейбітов 1967 жылы Түймекент  Қайрат Бөкеұлы 4-қазанда Байзақ ауданы ауылында туылған. 1974 жылы Туймекент (Ақжар) орта мектебіне бірінші сыныпқа оқуға барып, 1982 жылы сегізінші сыныбын бітіріп шығады. Сонан соң Құлан (Луговой) зооветеринарлық техникумына «зоотехник» мамандығы бойынша оқуға түсіп, 1986 жылы бітіріп шығады. Толық емесорта мектепті (8-сыныпты) бітіргендерді Ауғанстанға әскерге алмайтын болған соң, қайсар мінезді Қайрат 1987 жылы ДОСААФ-та 3 айлық курста оқып, байланысшы (связист) мамандығын иеленді. 1986-1987 жылдары Сібірдің Канск қаласында мерген-радист-автоқарулану (стрелок-радист- автовооружение) курсын бітірді. Қайраттың өз өтініші бойынша 1987 мамырда Ташкент, Термез қалаларында арнайы әскери дайындықтан өтті. 

1987 жылы маусымда Ауғанстанға Кабул қаласы арқылы Құндыз провинциясындағы аэродромға келіп түсті. 1987 жылы 17-мамырдан 1987 жылы 5-тамыз аралығында Қайрат Бөкеұлы КСРО әскерлерінің Ауғанстан әскерлерінің шектеулі контингенті құрамында Әскери Әуе Күштері тікұшақ құрамасында механик-бомбалаушы және мерген-байланысшы қызметтерін атқарды. 1988 жылы 30-тамызда Қайрат мінген тікұшақ Белоруссияның Минск қаласына келіп қонды. Сөйтіп, 1988 жылдың 12-жел- тоқсанында Қайрат өзінің әскери борышын Минск қаласында аяқтады.

Жаратылысынан байсалды да, батыр мінезді Бейбітов Қайраттың Отан алдындағы, ауған елі алдындағы қызметі өзінің лайықты бағасын алды. Ол «Отличник Советской Армии», «Старший пограннаряда», «Отличник ПВ-І степени», «Отличник ПВ-ІІ степени», «За боевые заслуги», «Воину интернационалисту», «От благодарного афганского народа» медальдарымен және «КСРО Қарулы Күштеріне 70 жыл», «Ауғанстанда әскери қимылдардың токдатылғанына 20 жыл, 25жыл» мерекелік медальдарымен марапатталған.

Қайрат Бейбітов елге келген соң 1988-1992 жылдары «Михайловка» АТП-да жүргізуші болып жұмыс істеді. КСРО тараған соң, кәсіпкерлікпен айналыса бастады: «Бақыт» шаруа қожалығының төрағасы, Түймекент жеке кәсіпкерлік сауда кешенінің меңгерушісі. Жанұялық жағдайы: үйленген, әйелі, ...ұлы, ...қызы бар, Түймекент ауылында тұрады.

Сарыбекова - Исабекова Жанат Төленқызы 1957 жылы 4-маусымда Жамбыл облысы Байзақ ауданы Түймекент ауылында дүниеге келген. 1964 жылы Ақжар (Түймекент) орта мектебіне оқуға барып, 1974 жылы бітіріп шықты. 

Мектепте оқуы мен тәрбие жағынан үлгілі оқушылардың бірі болды.

1975-1979 жылдары аралығында Октябрьдің 50-жылдығы атындағы Жамбыл педагогикалық институтта білім алды.

1979-1984 жылдары аралығында Оңтүстік Қазақстан облысы Түлкібас ауданы Ванновка ауылында Абай атындағы орта мектепте математика пәнінің мүғалімі болып жүмысын атқарды.

1984-1999 жылдары Тараз қаласында орналасқан Абай атындағы педагогикалық колледжде аға оқытушы, 1999-2004 жылдары аралығында Астана қаласында Л.Н.Гумилев атындағы Еуразия ұлттық университетінде аға оқытушы болып қызметтер атқарды.

2004 жылы Астана қаласында Еуразия гуманитарлық институтының ғылыми кеңесінде педагогика ғылымдарының кандидаты дәрежесін алу үшін «Болашақ мүғалімдерді оқушы қыздарды қазақтың халық педагогикасы арқылы тәрбиелеуге даяр- лау» тақырыбына жазылған кандидаттық диссертациясын қорғады.

2004-2006 жылдары Қ.А.Яссауи атындағы қазақ-түрік университетінің Тараз қаласындағы филиалында доцент, 2006- 2008 жылдары Жамбыл гуманитарлық-техникалық университеті кафедра меңгерушісі болып жүмыс істеді.

2008 жылы педагогика мамандығы бойынша доцент ғылыми атағы берілді.

2008-2009 жылдары Жамбыл гуманитарлық-техникалық университеті ғылым және халықаралық байланыстар жөніндегі проректор, 2009-2014 жылдары М.Х.Дулати атындағы Тараз мемлекеттік университеті профессоры болып жүмыстар атқарды.

2010 жылы Астана қаласы, Еуразия гуманитарлық институтының ғылыми кеңесінде педагогика ғылымдарының докторы дәрежесін алу үшін «Қазақ халық педагогикасындағы қыздар тәрбиесі» тақырыбына жазылған докторлық диссертациясын қорғады.

2011 жылы Тараз мемлекеттік педагогикалық институттың «Айша» қыздар клубының мүшесі болды.

2007 жылы «Современность, информационный мир и молодежь», «Молодежь - будущее Казахстана» атты өткен Халықаралық ғылыми-практикалық конференцияларда белсендігі үшін Алғыс хаттармен марапатталды.

2008 жылы Білім беру ісінің «Қүрметті қызметкер» төсбелгісімен марапатталды. Осы жылы «Жоғары оқу орнының үздік оқытушысы» мемлекеттік грант иегері болды. Қазақстан психологтар ассоциациясы ұйымдастырумен өткізілген семинарға қатысқаны үшін сертификатпен марапатталды.

2009 жылы Білім беру саласындағы елеулі еңбегі мен қоғамдық өмірдегі белсенділігі үшін мадақтамамен марапатталды.

2010 жылы ҚР жоғары оқу орындары студенттері арасындағы II республикалық пәндік олимпиадасына студент жастарды дайындағаны үшін ІП дәрежелі дипломмен марапатгалды

2012 жылы ҚР КАТЕV халықаралық қоғамдық қорының үйымдастыруымен «Заманауи мектепте тәрбие жұмысын ұйымдастырудың инновациялық жолдары» тақырыбындағы семинарына қатысқаны үшін сертификатпен, Оңтүстік Африкадағы Кейптаун. XXX Әлемдік Психологтар Конгресіне қатысқаны үшін сертификатпен марапатталды.

2013 жылы ҚР Жамбыл облысы білім және ғылым қызметкерлері Кәсіподағының «Құрмет грамотасы», «Бүгінгі патриоттық тәрбиенің көкейкесті мәселелері» ғылыми семинарды жоғары дәрежеде дайындағаны үшін берілген Алғыс хатымен, ҚР Л.Н.Гумилев атындағы ЕҰУ «Қазақстан білім және педагогика ғылымының тарихы: трансформация және инновация» атты халықаралық ғылыми-практикалық конфе- ренцияға белсене қатысқаны үшін сертификатпен, «Қазіргі тәжірибелік психологияның білім беру жүйесіндегі орны» кәсіптілікті жоғарылату курсын аяқтағаны жайлы серти- фикатпен марапатталды.

2014 жылы «Жоғары оқу орнының үздік оқытушысы» мемлекеттік грант иегері атанды. Осы Студенттер мен мектеп оқушыларына арналған «Жас дарын» II республикалық ғылыми- практикалық конференциясында оқушылар мен студенттердің ғылыми шығармашылығына жетекшілік жасаудағы және шығармашылық қабілетін қалыптастырудағы, қазіргі заманға сай бәсекеге қабілетті білім берудегі жемісті еңбегі үшін «Алғыс хатымен», Алматы қаласында өткен «Методы клинико-психологической интервенции и диагностики» атты біліктілікті көтеру курсына қатысқаны үшін сертификатпен марапатталды.

2015 жылы «Қазіргі оқыту технологиясының өзекті мәселелері» атты республикалық семинарына қатысқаны үшін сертификатпен, «Өзін-өзі тану» пәні бойынша республикалық семинарға қатысқаны үшін сертификатпен, «Қазіргі психологияның мето- дологиялық, теориялық және практикалық мәселелері әлемдік конгрестер мысалында» семинар-тренингте біліктілігін көтеру курсынан өткендігін растайтын сертификатпен, Ұлыбританияның Шеффилд қаласында өткен «XI INTERNATIONAL RESEARCH AND PRACTICE CONFERENCE» атты конференцияға қатысқаны үшін сертификатпен, Прага қаласында өткен Халықаралық ғылыми конференцияға қатысқаны үшін сертификатпен марапатталды.

Сарыбекова Жанат Төленқызы «Қыздар тәрбиесі, болашақ ұстаздарды қыздар тәрбиесіне даярлау, қыздар тәрбиесінің этнопедагогикалық негіздері» қыздар мектебін құрды.

Сарыбекова Жанат Төленқызының еңбектері: монографиясы - 2, оқу құралдары - 3, оқу әдістемелік құралдары - 35, ғылыми мақалалары - 150, импакт фактор - 2, авторлық таңдау пәндері - 8.

Жанұялық жағдайы: тұрмыс құрған. Жолдасы - Сарыбеков Махметғали Нұрғалиұлы - М.Х.Дулати атындағы Тараз мемлекеттік университетінің ректоры. 2013 жылдың сәуір айынан бастап Оңтүстік аймақтық ректорлар кеңесінің төрағасы.

 Отба- сында Арман, Саржан және Салтанат есімді ұл-қыздары бар. Тараз қаласында тұрады.

Мамаева Гүлжан Бүркітбайқызы 1976 жылы 4-қазанда Жамбыл облысы Свердлов (Байзақ) ауданы Түймекент ауылында туылған. Буденовка (Түймекент) орта мектебін 1993 жылы бітірген. 1993-1998 жылдары әл- Фараби атындағы Қазақ мемлекеттік университетінің филология факультетін бітіріп, «қазақ тілі мен әдебиеті пәнінің мұғалімі» мамандығын (бакалавриат) алып, 2000 жылы сол оқу орнының магистратура бөлімін «қазақ филологиясы» мамандығы бойынша бітіріп шықты. Сол жылы әл-Фараби атындағы Қазақ үлттық университеті филология факультетінің аспирантура бөліміне түсіп, 2003 жылы «Ерлер мен әйелдердің тілдік ерекшеліктері (гендерлік зерттеулер)» тақырыбында кандидаттық диссертациясын қорғап, филология ғылымдарының кандидаты атағын алды.

2000 жылы Ұлттық қауіпсіздік органдары қатарына әскери қызметке шақырылған. ҚР ҰҚК Шекара қызметінің Академиясында қазақ тілі пәнінің оқытушысы. Әскери қызметшілерге арналған «Қазақ тілі» оқу қүралының (2011), «Қазақ тілі» әдістемелік оқу қүралының (1 және 2 бөлім) (2008), «Әскери қазақ тілі» (2009), «Қазақ тілінің хрестоматиясы» (2010), «Бауыржантану негіздері» (2010) оқу қүралдарының авторы, 50-ден астам ғылыми мақалаларын ғылыми жинақтар мен бұқаралық ақпарат құралдарында жариялаған.

Тарих пәнінің жоғары санаттағы мұғалім Марат Қоңырұлы Бөгенбаев 1948 жылы 20 мамырда Буденовка (қазіргі Түймекент) ауылында дүниеге келген. Аталмыш мектепте 1966 жылы орта мектепті бітірген.

1967 жылы өзі бітірген мектепте аға вожатый қоғамдық жұмысын атқарған.

1967-1971 жылдары Абай атындағы қазақ педагогикалык институтын тәмамдап, 1971-1977 жылдары Буденовка орта мектебінде тарих пәнінің мұғалімі болып қызмет жолын бастаған.

1977-1979 жылдары Ақжар кешкі жастар мектебінің директоры қызметін атқарса, 1979-1981 жылдары Ақжар орта мектебінің директордың тәрбие ісі жөніндегі қызметін атқарып, 1981-1985 жылдары Чапаев орта мектебінің директоры қызметінде болған.

1985-1995 жылдары Буденовка орта мектебінің тарих пәнінің мұғалімі қызметін қайта жалғастырды.

1995-1998 жылдары Ленин орта мектебінің директоры қызметінде болып, 1998 жылдан бастап қазіргі Түймекент орта мектебінде тарих пәнінің мұғалімі қызметін зейнеткерлікке шыққанға дейін қызмет істеді.

Осы аталған еңбектері үшін облыстың білім бөлімінің 1984 жылы, 2007 жылы «Қүрмет» грамотасымен, 2008жылы»Алғыс хатпен» марапатталған. Аудандық білім бөлімінің «Құрмет грамотасымен 1996 жылы, 2000 жылы және 2009 жылы марапатталған.

Тұрбек Сүлейман Сейітқазыұлы 1958 жылы 12-қарашада Байзақ ауданы Ақжар ауылында туылған. 1966-1976 жылдары Ақжар (Түйме- кент) орта мектебін оқып бітірген. 1979 жылы Красногор совхоз- техникумына оқуға түсіп, 1981 жылы «техник-механик-ұйымдастырушы» мамандығы бойынша бітіріп диплом алды. 2009-2013 жылдары М.Х.Дулати атындағы Тараз мемлекеттік университетінде оқып, «мұнай-газ ісі» мамандығы бойынша жоғары білім алды.

Тұрбек Сүлейман еңбек жолын 1976 жылы шілдеде «Трудовой пахарь» ұжымшарында механизатор болып бастады. 1979-1981 жылдары жүргізуші болып істеді. 1981-1995 жылдары трактор бригадасы бригадирінің көмекшісі болып істеді. Сол жылдары қамтамасыз ету және жүзеге асыру бөлімінің бастығы болып істеді. 1995-1999 жыл- дары комерциялық мәселелер бойынша төраға орынбасары, 1999-2001 жылдары «Агроцентр» ЖШС директоры, 2001-2011 жылдары аралығында «БайзақГазСервис» ЖШС директоры, «Құлан-Газ» учаскесінің бастығы. «ҚазТранссГаз Аймақ»-тың Байзақ газ учаскасының бастығы болып істеді. 2011-2014 жылдары «ҚазТрансГазАймақ» АҚ-ның Жамбыл облыстық филиалының маркетинг ісі бойынша директор орынбасары және техникалық мәселелер жөніндегі басқарушы директор лауазымдарын атқарды. 2014 жылдың тамызынан қазірге дейін «ҚазТрансГаз Аймақ» АҚ Жамбыл облыстық филиалының бас инженері болып жұмыс істеуде.

Жанұялық жағдайы: отбасында әйелі, 3 қызы 1 ұлы бар. Түймекент ауылында және Тараз қаласында тұрады.

Кәрімбеков Тұрар Мәжібайұлы 1941 жылы 5 мамырда Жамбыл облысы Сарысу ауданының Байқадам ауылында өмірге келде. Жетіжылдық мектепті 1957 жылы Түймекент ауылындағы мектепті бітірген соң еңбек жолын қарапайым жұмысшыдан бастаған. Ол шаруашылықтың экономикасын өркендетуге өзіндік үлес қоты. Ол «Трудовой пахарь» колхозында 1958 жылдан бастап шопан болып ұзақ жылдар бойы жемісті еңбек етіп, кейінгі жастарға тәлімгер бола білді. Шаруашылықтың абаттануына, ауыл адамдарының әл-ауқатының жақсаруына еңбегін сіңірген ол көп жылғы еңбегі үшін ІІ, ІІІ дәрежелі «Еңбек Даңқы» орденімен, «Құрмет белгісі» орденімен, бірнеше медальдармен марапатталған. Бірнеше алғыс хаттардың иегері болған Тұрар Кәрімбеков аудандық Кеңестің депутаты болып екі рет сайланды, сайлаушылардың аманатын дер кезінде орындап, ауылдың құрметті азаматы атанған еді. 

Жанұясында 10 ұлы мен қызы бар. Түймекент ауылындағы бір көшеге аты берілді.

Білімі орта. КПСС мүшесі. Түймекент 7 жылдық мектебін 1938 жылы бітіреді.

1938-1940 жылдары МТС жанынан құрылған трактор бригадасының есепшісі болып істейді. 1941 жыл қаңтар - желтоқсан айларында пулеметшілер взводының командирі көмекшісінің курсын аяқтап Ұлы Отан Соғысына қатысады. 1942 жылы Махачкала қаласындағы пулеметші командирін дайындайтын 6 айлық курсты бітіріп шығып лейтенант атағын алады.

1943 жылдан бастап алғаш взвод, кейін рота командирі болады.

1944 - 1946 жылдан бастат Қытай Халық Республикасындағы кеңес әскерінің № 35328 бөлімінде мемлекеттік қауіпсіздік комитеті жанындағы штаб бастығы қызметін атқарады.

Аға лейтенант дәрежесінде әскерден қайтады.

1946-1947 жылдары қазіргі Байзақ ауданы (бұрынғы Свердлов ауданы) комсомол комитетінің екінші хатшысы, кейін аудандық қаржы бөлімінің салық агенті қызметтер міндетін атқарады.

1948 - 1965 жылдары Ақжар ауылдық кеңесінің хатшысы, 1965-1972 жылдары Ақжар ауылдық кеңесінің төрағасы болып істейді.

1973 - 1980 жылдары Трудовой пахарь (Түймекент ауылы, Байзақ ауданы) колхозында кадр бөлімін басқарып 1983 жылы тамыз айынан зейнеткерлікке шыққан, 1983-1986 жылдары Тараз (Жамбыл) қаласындағы 158/4 мекемесінде диспетчерлік қызмет атқарады.