Өмірбек Бүтінбаев

1946 жылы 14 желтоқсанында Көкөзек ауылында дүниеге келген. Ақжар орта мектебін 1963 жылы бітіріп шыққан соң, екі жыл туған ауылы – А.Суханбаев атындағы ұжымшарда механизатор болып еңбек еткен. 

1965-1968 жылдары Кеңес Армиясы қатарында қызмет етті. 

Талғар ауыл шаруашылығын механикаландыру және электрлендіру техникумын 1972 жылы техник-механик мамандығын алып, бітіріп шыққан. Осы жылы туған аулына механик болып орналасқан. 1974 жылы Аманкелді атындағы ұжымшардың бас инженері болып ауысқан. Алматы ауыл шаруашылық институтын 1984 жылы бітіріп, инженер-механик мамандығын алды.

Өндірістің тәжірибелі ұйымдастырушысы Ө.Бүтінбаев 1985 жылы Свердлов атындағы ұжымшар басқармасы төрағасы қызметіне жіберілді. Ал, 1990 жылы «Казсельхозтехника» аудандық бірлестігі басшысының орынбасары болып тағайындалды. 1992 жылы А.Сухамбаев атындағы ұжымшар мүшелері оны өздеріне басқарма төрағасы етіп сайлап алды. 1996 жылы «Трудовой пахарь» ұжымшарын басқаруға жіберілді. 1999 жылы Байзақ ауданы әкімі ауыл шаруашылығы басқармасының бастығы болып ауыстырылды. Ал, 2001 жылдан ірілендірілген Аманкелді шаруа қожалығын басқарды.

Бірнеше рет ауылдық, аудандық, облыстық кеңеске депутат боып сайланды. 

2005 жылы еліміздің тұңғыщ Президенті Н.Ә.Назарбаевтың Байзақ ауданындағы қоғамдық штабын басқарды. 

2009 жылдан зейнет демалысын шыққан Ө.Бүтінаев ұзақ жылдарғы жемісті қызметі үшін үкімет наградаларымен, соның ішінде тәуелсіз еліміздің «Астанаға 10 жыл» медалімен марапатталған.