Нұртаза Шәметов
1953 жылы дүниеге келген. Қазіргі Түймекент ауылында өскен, осындағы орта мектепті бітірген.
Қызмет жолын Қазақ ауыл шаруашылығы институтын бітіріп 1975 жылы облысымыздың Мойынқұм ауданына жолдамамен барып, осындағы Бірлік кәсіптік-техникалық училищесінде оқытушы болудан бастаған.
Жас маман бұдан кейін Жамбыл облыстық ауыл шаруашылық басқармасында бөлім бастығы, Жамбыл облыстық кәсіптік-техникалық білім беру басқармасы бастығының орынбасары сынды қызмет баспалдақтарынан өтті.
Ғылыми-педагогикалық қызмет жолы 2001 жылы Алматы индустриалдық колледжіне директор болып тағайындалудан басталды. 2004 жылға дейін Алматы индустриалдық педагогикалық академиясының ректоры болды. 2004 жылдың мамыр айынан осы академияның президенті болып қызмет істеп келеді.