Әйтімбетов Әзімбек Шекеұлы

1938 жылы 11 мамырда қазіргі Жақаш ауылында дүниеге келген. 1956 жылы Буденновка (Ақжар) орта мектебін бітірген соң, туған ауылында – А.Сухамбаев атындағы ұжымшарда жүргізуші, қатардағы есепші болып еңбек жолын бастаған. Ұжымшар бастауыш комсомол ұйымының хатшысы болып сайланған. 1966 жылы бас есепші болып тағайындалып, 1973 жылға дейін атқарған. 

1971 жылы Алматы халық шаруашылығы институтын сырттай оқып, бітірген. 1973-1978 жылдары Свердлов (Байзақ) аупарткомының нұсқаушысы, осы аудандағы сол кездегі Кеңес ұжымарының партия комитетінің хатшысы. 1978-1984 жылы Жамбыл облыстық су шаруашылығы шаруашылық басқармасында бас есепші. 1984-1986 жылы Байзақ аудандық ауыл шаруашылық басқармасында бас есепші. 1986-1997 жылдары облыстық ауыл шаруашылық басқармасында жауапты қызметтер атқарған. 1997 жылдың наурызынан зейнет демалысына шыққан. 

Белсенді қоғамдық жұмысы үшін медальдармен,  Грамоталармен марапатталған. 

2005 жылдан Сарыкемер ауылдық округі еңбек және соғыс ардагерлерінің кеңесінің төрағасы болып істеген. 

2009 жылы 13 тамызда дүниеден өтті.