сш. Туймекент » Ата-аналар » Ата-анамен келісім шарт

январь

2022

Ата-анамен келісім шарт

Ата-анамен келісім шарт

«Түймекент орта мектебі» мемлекеттік мекемесі директоры__________________ және оқушының_______________________________ата-анасы________________________________

арасында келісімшарт жасалды.

Келісім шартта Қазақстан Республикасының «Білім туралы» Заңының ережелерін, «Қазақстан Республикасындағы баланың құқықтары туралы» Заңдарын, «Неке (ерлі-зайыптылық) және отбасы туралы» кодексіне және «Түймекент орта мектебі» мемлекеттік мекемесінің ЖАРҒЫСЫН басшылыққа ала отырып жасақталған. __.08.21ж №1 педагогикалық кеңесте қаралып ұсынылған.

1. Келісімшарт тараулары

1.1 Келісімшарт мекеме директоры мен оқушылардың ата-анасы арасында жасалды.

1.2 Келісімшарттағы шарттарды орындауға екі жақ міндетті.

2.Оқушыларды қабылдау

2.1 Түймекент орта мектебіне оқушы ата-аналардың өтініші бойынша қабылдау комиссиясы арқылы қабылданады /күні,айы,жылы/

2.2 Оқушы _________________________________________________________қабылданды.

(Аты-жөні,туған жылы, айы )

2.3 Сабақта болатын уақыты 08:00-ден 12:25 – ге дейін

13:30-ден 17:55- ке дейін

2.4 Сенбі күндері – қашықтықтан оқыту кезінде жіберілген олқылықтарды түзету бойынша қосымша сабақтар ұйымдастырылады.

2.5. Демалыс күндері: жексенбі.

2.6. Жазғы демалыста, сырқаттанған жағдайда,емделу кезінде және карантин уақытында баланың мекемедегі орны сақталады.

3. Ата-анаға қойылатын талаптар
«Білім туралы» Заңда, отбасы кодексінде, мектеп Жарғысында сонымен қатар, басқа да нормативті – құқықты актілерде көрсетілген шарттарды ата-аналар орындауға міндетті;

Ата-аналар комитетінің іс-шараларына қатысып, мектеп әкімшілігі және педагогикалық ұжыммен бірігіп жұмыс жүргізуге;
Баласының сабаққа кешікпеуін, сабақтан себепсіз қалмауын қадағалауға;
Сабақ кестесіне сәйкес оқулықтар және оқу құралдарымен қамтамасыз етуге;
Мектеп жарғысына сәйкес оқушының мектеп формасын сақтауын қадағалауға;
Баланың сабақтан тыс іс шараларға үйірме және секцияларға, мектепішілік олимпиадаларға, жарыстарға қатысуын бақылауға алуға;
Оқушының оқулықты ұқыпты ұстауын қадағалауға;
Егер бала мектеп мүлкін бүлдірсе (оқу-зертханалық және басқа жабдықты бүлдірсе, оқулығын жоғалтса және т.б.) көрсетілген шығынды белгіленген тәртіпке сәйкес қалпына келтіруге;
Баланы сабақтан бос уақытында және демалыс кездерінде қараусыз жіберіп,тәртіпсіздік жасауына жол бермеуге, баланың уақытын үнемді, мақсатты пайдалануын ұйымдастыруға;
Баланың санитарлық-гигиеналық талаптарға сай жүруіне, денсаулыққа байланысты зиянды заттарды пайдаланбауын қадағалауға;
Баланың қалтасында өткір, үшкір, түйрейтін, кесетін, улы заттармен (пышақ, қайшы,ине,дәрі) жүрмеуін бақылауға;
Ата-аналарға арналған іс-шараларға, ата-аналар жиналысына белсене қатысуға;
Балаға қоғамдық жерлерде жүру тәртібін үйретуге;
Балаға сағат 22.00 дан бастап, далада жүруіне тыйым салуға;
Балаға патриоттық, рухани адамгершіліктік тәрбие беруге;
Баланың салауатты өмір салтына сәйкес өмір сүруіне жағдай жасауға;
Баланы кез-келген діни, басқа да жағымсыз әсер ететін ұйымдардан қорғауға міндетті.
Отбасындағы ұл-қыздың тәрбиесіне, жыныстық тәрбиесіне (әсіресе қыз бала тәрбиесіне) қатты көңіл бөлу;
Тыйым салынған діни ағымдарға (ғаламторға) кірмеуіне бақылау жасауға, жалпы баласының өмір қауіпсіздігін қамтамасыз етуге жауапты.

Ата-аналарға қойылатын мектептің ішкі тәртіп ережесі

Әр ата-ана және оқушы мектептің ішкі тәртіп ережесіне бағынуға міндетті.
Ата-ана баласының сабақтан кешікпеуін,сабақтан себепсіз қалмауын қадағалауы тиіс. Егер де оқушы сабақтан себепті қалатын болса, оны анықтамамен дәлелдеуі тиіс.
Ата-ана баласын мектеп формасымен, екінші аяқ киіммен, қажетті оқу-құралдарымен толық қамтамасыз етуге жауапты.
Оқушыны демалыс кезінде мектептің жоспары бойынша ұйымдастырылған іс-шараларға қатыстыруы тиіс.
Сабақ уақытында сынып жетекшісінің уақытын бөлуге тыйым салынады.
Сынып жетекшісімен алдын- ала келісім бойынша, сабақтан бос уақытта кездесуге болады.
Мектеп әкімшілігімен кездесу үшін кезекші мұғалімге өзінің жеке куәлігін көрсетіп, тек жазылу арқылы кіргізіледі. Сұрақ туған жағдайда, алдымен, сынып жетекшісі, директордың оқу-тәрбие ісі жөніндегі орынбасарлары, мектепішілік ата-аналар комитетінің мүшелерімен талқылауы тиіс.
Оқушылардың ұялы телефондары және басқа да бағалы заттары жоғалса, мұғалім және мектеп әкімшілігі оған жауап бермейді.
Мектеп ауласына велосипедпен, роликпен, балаларға арналған бесік арбамен (коляскамен) кіруге, мектеп ауласында серуендеуге тыйым салынады.

4. Ата-ана міндеті

4.1 Мекеме қызметкерлеріне сыпайылық танытуға

- Қызметкерлер жағынан дөрекілік,қателік болған жағдайда директорға ескертулері қажет.

4.2 Санитарлық гигиенаны сақтау, мектеп ережесін орындау: баланы оқу орнына мектеп формасымен және оқу құралдарымен жіберу шарт.

4.3. Мұғаліммен тығыз байланыста болуға, тәрбиелеуде, білім алуына белсенділік таныту, «Ашық есік» күндеріне қатысу.

4.4. Сабақтан қалған жағдайда міндетті түрде сынып жетекшісіне немесе 2-96-41 телефонына (кезекшіге ) хабарлау.

4.5. Келісімшарттағы барлық талаптарды орындаулары керек.

5. Ата-ана құқығы

5.1 Оқушы туралы кез келген мәлiметтi алуға, пән мұғалiмдерi мен психологтан жеке кеңес алуға;

5.2. Мұғалiм келiсiмiмен сабаққа қатысуға, сабақтың қорытындысын талдауға;

5.3. Мектептегi кез келген шараларға қатысуға;

5.4. Мектептегi өз баласының мүддесiн қорғауға;

5.5. Оқу - тәрбие жұмыстарының сапасын талап етуге;

5.6. Бала денсаулығына келтiрiлген зияндықтардың орнын толтыруды талап етуге; жұмсалған шығындардың есебiн талап етуге.

5.7. Мектеп пен ата-ана арасында жасалған келiсiм - шартты орындауға;

5.8. Мектептiң Жарғы талаптарын орындауға;

5.9. Мектептiң материалдық базасын кеңейту мен ұйымдастыруда өз мүмкiншіліктерінше қатысуға;

5.10 Ата-аналар комитетінің мүшесі болуға құқылы.

5.10. Мектеп басшыларының өтiнiшi бойынша мектептегi үлкен шараларды өткiзу кезiнде қоғамдық тәртiптi сақтауға қатысуға;

5.11. Ата-аналар түрлі қоғамдық және бірлестік жұмыстарға қатысуға құқықты.

5.12. Балалармен жұмыс жүргізуді жақсарту жағдайында өз ойларын айтуға, қосымша көмектер ұйымдастыруға құқықты.

5.13. Келісім шарттың орындалуын қадағалауға.

6. Оқушының құқығы

6.1. Жарғыда кепілдік берілген, мемлекеттік стандартқа сай деңгейде білім алу;

6.2. Оқу үрдісі барысында лаборатория, оқу, акт, спорт залдарын, кітапхананы тегін және медициналық кабинет қызметтерін пайдалану;

6.3. Өздерінің сынып бөлмелерін сақтау және оқу-тәрбие үрдісінің сапасына қатысты өз пікірін білдіру;

6.4. Мектеп бітірген соң білімін жоғарғы оқу орындарында жалғастыру;

6.5. Оқушыларды қоғамдық, қоғамдық-саяси ұйымдар, қозғалыстар мен партиялар лажсыз кіргізуге, сондай-ақ бұл ұйымдардың қызметіне қатысуға жол берілмейді. Мектеп білім беру саласында мемлекеттік саясат принциптерін сақтайды, діни және ақсүйектілік білімге бөлінбейді.

7. Оқушының міндеті

7.1. Білім бағдарламалары мен жоспарларында қарастырылған барлық тапсырмалар түрлерін бекітілген мерзімде орындау;

7.2. Өзінің мәдени деңгейін жүйелі көтеруге, мектеп формасын сақтауға;

7.3. Әрқашан мектеп ұжымының игілігіне үлес қосу, мектеп намысын, беделін қорғап, оның дәстүрлерін жалғастыру;

7.4. Мұғалімдер мен мектептің басқа қызметкерлерін қадір тұту, мектеп директорының, мұғалімдердің, педагогикалық ұжымның нұсқаулары мен бұйрықтарына, сондай-ақ сынып жетекшісінің нұсқаулары мен мектептің кадрларына бағыну.

7.5. Мінез-құлық ережелерін сақтау:

* үлкендерді құрметтеу;

*басқа адамның ар-намысын қадірлеу, құқық бұзушылыққа жол бермеу;

*өзінің және жолдастарының денсаулығы мен өмірінің қауіпсіздігіне жауапкершілікпен қарау.

7.6. Мектеп оқушыларына темекі тартуға, ішімдік ішуге, нашақорлықпен айналысуға тыйым салынады. Оқушы әрдайым таза және ұқыпты болып жүреді.

7.7. Сабаққа кедергі жасайтын түрлі техникалық құралдарды (ұялы телефон, аудио, видеоплеер, құлақ қап т.б ) әкелуге тыйым салынады.

7.8. Мектеп мүлкін сақтауға және оның аумағын үнемі таза ұстауға;

7.9. Өндірістік және қоғамдық пайдалы еңбекке белсенділікпен қатысу;

7.10. Үлкенге - құрмет, кішіге – ізет таныту, мұғалімдер мен ата-аналардың заңды талаптарын орындау.

Оқушылардың мектеп формасы

8.1. Ата-аналар комитеті жиналысының №1 хаттамасына сәйкес бекітілген мектеп формасын сақтауға және киюге құқылы: (киім үлгілері мектеп ЕРЕЖЕСІНДЕ бар)

8.2. Қыз балалар үшін: тізеге дейін көк түсті юбка, юбканың ұзындығы тізені жауып тұруы керек, көк түсті костюм және ақ түсті классикалық жейде, қара түсті аяқ киім, аяқ киім биік болмау тиіс

8.3. Ұл балалар үшін: классикалық үлгідегі шалбар, көк түсі костюм және ақ жейде, қара түсті аяқ киім.

- іскерлік стильге жатпайтын киімдерге тыйым салынады:1) Спорттық киімдер, футболкалар, қысқа кеудешелер, ашық өңірлі блузкалар т.б.; 2) Джинсылар, шалбарлар, қысқа белдемшелер, тізеден 10 см жоғары белдемшелер. т.б.

б) Селдір, түрлі-түсті киімдер т.б.:

в) Аксессуарлар: Оқушыларға қарапайым алқалар мен косметикалар, түссіз лакпен боялған қысқа тырнақтар.

-дене шынықтыру сабақтарында және сыныптан тыс спорттық іс- шаралар өткізген уақытта оқушылар спорттық киімдер киюге міндетті: спорттық костюм және спорттық шалбар, футболка аяқ киім (кеды).

-сыныптан тыс тыс іс-шараларды өткізген уақытта оқушыларға еркін киім стилін қалауына болады.

-мектеп формасына түрлі конфессияларға қатысты киім элементтерін қосуға болмайды, кез келген діни атрибуткаларды (орамал, хиджап, паранжа, кимешек, никаб,т.б) киюге тыйым салынады.

-оқушының мектеп формасына қойылатын талаптары бойынша жарақаттайтын фурнитурасы бар киіммен аксессуарлар киюге тыйым салынады) ҚР «Білім туралы» Заңының 49-бабына сәйкес ата-аналар және өзге де заңды өкілдер білім беру ұйымының жарғысында айқындалған қағидаларды орындауға, білім беру саласындағы уәкілетті орган белгілеген, міндетті мектеп формасына қойылатын талаптарды орындауға, білім беру ұйымында белгіленген киім формасын сақтауға міндетті.

8.4. «Жас ұлан» ұйымы мүшелері (5-7 сынып оқушылары) көк түсті галстук.

8.5. Спорттық киімді дене шынықтыру сабағында ғана кию керек, басқа сабақта кию орынсыз.

8.6. Мектепте себепсіз сыртқы киіммен және көше киіммен жүруге болмайды.

8.7.Салтанатты жиналыстарға және жалпы мектептік шараларға оқушылар мерекелік киім киіп келуге тиіс.