Төребай Ақбозов
1913 жылдың 10 тамызында қазіргі Көкөзек ауылында дүниеге келген. Түймекенттегі орыс, кейіннен Әулиеатадағы Керімбай болыс ашқан мектептерде білім алды.
Шымкент қаласындағы арнаулы курста оқып, жиырма жасында агроном мамандығын алып, Әулиеата ауданының жер бөлімінде қызмет жолын бастаған. Алматы ауыл шаруашылық институтын бітірген. 1940-1951 жылдары Ново-Ивановка, Красногар, Байқадам машина-трактор стансаларының (МТС) директоры болды. 1951-1956 жылдары Шу аудандық атқару комитетінің төрағасы, Жамбыл аудандық партия комитетінің бірінші хатшысы, 1962-1965 жылдары Талас аумақтық-шаруашылық басқармасының бастығы. 1965-1971 жылдары облыстық ауыл шаруашылық басқармасының бастығы болды. 1954 жылы КСРО Жоғары Кеңесінің, 1963 жылы Қазақ КСР Жоғары Кеңесінің депутаты болып сайланған.
1973 жылы 28 тамызда дүниеден өткен.