2023 жылдың 21 ақпан күні Түймекент орта мектебінің 11 сынып оқушылары өзін-өзі анықтау, болашақ кәсіби саласын таңдау процесінде кәсіби бағдар беру бойынша М.Х.Дулати атындағы Тараз өңірлік университетіндегі "Ашық есік'' күніне қатысып қайтты. Іс- шара барысында университеттің профессор - оқытушылар құрамы мен материалдық техникалық базасымен жан-жақты танысып, өздеріне қажетті бағыт-бағдарлар алды.

Түймекент орта мектебінің жоспарына сәйкес ,, Кәсіпкерлік және бизнес негіздері'' курсының практикалық бөлімі аясында оқушыларға болашақ мамандықтарын таңдауға бағыттау мақсатында  пән мұғалімі К. Киркимбаева 10 сынып оқушыларымен аудан орталығындағы ,, Инабат'' сұлулық салоны мен ,, Шипагер'' тіс емханасына саяхат жасады. Саяхат барысында оқушыларға кәсіпкерлік істі бастау мен одан әрі жүргізу жолдары туралы түсініктер берілді. Оқушыларға экскурсия сабақтың  тигізер пайдасы мол.

Түймекент орта мектебінің жұмыс жоспарына сәйкес  9- сынып оқушыларының болашақ мамандықтары мен 10- сыныпта оқитын бағыттарын айқындау мақсатында  ата - аналармен ,, Мамандық таңдауда нені білу қажет'' тақырыбында семинар  ұйымдастырылды. Пікір алмасу барысында ата- аналарға балаларының болашақ мамандықтарын таңдауға  ықпал ету жолдары туралы түсініктер берілді.  Ата-аналар  мамандық таңдауда  баланың жеке қабілеті мен қалауын ескере отырып  бағыт- бағдар берудің рөлі ерекше екендігін айтты.

Түймекент орта мектебінде 11- сынып оқушыларының тоқсандық білім сапасын анықтау мақсатында ,, Аралық"" сынама тест алынды. Алынған тесттер негізінде тақырыптық талдаулар жасау жалғасын табуда. View this post on Instagram A post shared by Түймекент орта Мектебі (@tuimekentortamektebi)