13
март
2019
Қоғамдық қабылдау күні
Анықтама
Түймекент орта мектебінің директоры Мұрат Маманұлы Уразбаев 2019 жылдың 13 наурыз күні сағат 9.00-ден бастап азаматтарды қоғамдық қабылдау күнін өткізді. Ауыл тұрғындары мен ата-аналар мектепке қатысты өз ойлары мен ұсыныс пікірлерін білдірді. Бұл қабылдауға Түймекент орта мектебінің Қамқоршылық кеңесінің төрағасы Айтмуратов Умирбек Бекмуратович пен Бастауыш кәсіподақ ұйымының төрағасы Иманбеков Айдархан Тураровичте қатысты. Қабылдауға келген ата-аналар мектеп тынысымен танысып оң өзгерістерге жақсы бағасын берді. Мектепке кіре берістегі сыртқы жағындағы 7 есік ағаштан және пластиктен болатын. Сол есіктер қаңқасы мығым темір есікке ауыстырылды. Сонымен қатар мектептегі жылу жүйесі мен жарық жүйесінің жаңартылғанын көріп қуаныштарын жеткізді. Сонымен қоса мәжіліс залының ескірген орындықтарын және кітапхананың жиһаздары мен үстел орындықтарының су жаңа екенін көріп өз таңданыстарын жасырмады. Робот - техника кабинетінің ашылғанын көріп балалары үшін жаңа технология игерудің басталғанына көздері жетті. Мектеп ұстаздарының беріп жатқан тәрбиесі мен білімдеріне көңілдері толатынын және балаларынан зор үміт күтетінін жеткізді. Мектептегі 3 кабинеттің жаңартылған үстел орындықтарын көріп қуаныштарын жасырмады. Алда әлі де жасалуы керек бірқатар істер бар екенін айтып өз ұсыныстарын да ортаға салды.
Ұсыныстар:
Бейсалиева Бағила мектеп әжетханасының ескіргенін айтып жаңартуға ұсыныс білдірді.
Қамқоршылық кеңесінің төрағасы Айтмуратов Умирбек Бекмуратович мектеп айналасының қоршауы нашар екенін және мал кіріп айналадағы гулдер мен бақшаны бүлдіретінін айтып, мектеп айналасына қоршау тұрғызу жайлы ұсыныс білдірді.
Тайтилеуова Махфуза көктем шығып күннің жылынуына байланысты ауыз су мәселесін көтеріп. Мектепке таза ауыз су құбырын кіргізуді ұсынды.
Абдураимова Индира мектеп оқушыларының бос уақытын дұрыс пайдаланып салауатты өмір салтын қалыптастыру үшін мектепке спорт кешенін салуды ұсынды.
Дайындаған: Жаксанова Шынар





