Мектепішілік ата-аналар жиналысы өтті

2023 жылы 18 ақпан күні Түймекент орта мектебінде ,, Отбасы - тәрбиенің басты ұясы"" тақырыбында жалпы ата- аналар жиналысы өтті. Мектеп директорының міндетін уақытша атқарушы Р. Бегасилова мектептің 2022- 2023 оқу жылының бірінші жарты жылдықта атқарған жұмыстары туралы жан- жақты хабарлама жасады. Директордың орынбасарлары өз міндеттері бойынша оқу- тәрбие саласындағы жұмыстары жайлы есептерін берді. Мектептің ата аналар комитетінің төрайымы Р. Джуманалиева, қамқоршылық кеңес мүшелері М. Халиллаев, Б. Тойбаева, Б. Оспанов және т.б. ата - аналар шығып сөйлеп, мектеп ұжымының атқарып отырған жұмыстарына жақсы баға беріп, ризашылықтарын білдірді.